गुहागर तालुक्यातील शिवराय मावळे प्रतिष्ठान आबलोली यांच्या वतीने आबलोलीत शिवजन्मोत्सव सोहळा
विविध कार्यक्रमांनी,विवीध स्पर्धांनी उत्साहात साजरा – छावा चित्रपटातील बाळ संभाजी महाराजांची भुमिका साकारणारा कलाकार अभिनव सचिन साळुंखे याची प्रमुख उपस्थिती आणि मार्गदर्शन
आबलोली(संदेश कदम)
गुहागर तालुक्यातील आबलोली येथील शिवराय मावळे प्रतिष्ठान आबलोली यांचे संयुक्त विद्यमानाने छत्रपती शिवाजी महाराज यांच्या जयंती निमित्त “शिवजन्मोत्सव २०२५” हा सोहळा जल्लोषात आणि उत्साहात विविध कार्यक्रमांनी, विविध स्पर्धांनी उत्साहात साजरा करण्यात आला.यावेळी आबलोली बाजारपेठेतून पांचाळवाडी आबलोली येथे कार्यक्रम स्थळी शिवस्मारकाची मिरवणूक (बाईक रॅली) काढण्यात आली. या रॅलीसाठी छावा चित्रपटातील बाळ संभाजी महाराजांची भूमिका साकारणारा कलाकार अभिनव सचिन साळुंखे याची प्रमुख उपस्थिती आणि मार्गदर्शन लाभले.यावेळी मनसेचे गुहागर तालुका अध्यक्ष सुनील हळदणकर, अध्यक्ष रमेश पांचाळ, उपाध्यक्ष संजय पांचाळ, सरपंच वैष्णवी नेटके, ग्रामसेवक सूर्यवंशी, अल्पिता पवार, श्रावणी पागडे, आशिष भोसले, गणपत पांचाळ, संदेश सावंत सर, लोणारे सर, साळवे सर, लवटे सर, बचुटे सर, मुग्धा पागडे यांचेसह ग्रामस्थ मंडळी या रॅलीत बहुसंख्येने उपस्थित होते.
महाराष्ट्र राज्य मर्यादित निबंध स्पर्धेत ३०० स्पर्धकांना प्रवेश मर्यादित असताना यामध्ये प्रथम क्रमांक ५०००/- रु. विजेता विशाल भोसले, (रायगड), द्वितीय क्रमांक ३०००/- रु. विजेता जितेंद्र मयेकर (रत्नागिरी) आणि तृतीय क्रमांक १०००/- रु. विजेता दिवाकर बडगुजर (जळगांव) ठरले. प्रत्येकाला ट्रॉफी, मेडल आणि रोख रक्कम देण्यात आली. सहभागी स्पर्धकांना सहभाग प्रमाणपत्र देण्यात आले.जिल्हा परिषद शाळा मर्यादित वक्तृत्व स्पर्धेत प्रथम क्रमांक जि.प.पूर्ण प्राथमिक शाळा आबलोली नं. १ ची विद्यार्थिनी श्रेया शिवाजी साळवे रोख रक्कम ५००/- रु., ट्रॉफी व गोल्ड मेडल, द्वितीय क्रमांक जि.प.पूर्ण प्राथमिक शाळा आबलोली नं. १ चा विद्यार्थी रोहन दादासाहेब बचुटे रोख रक्कम ३००/- ट्रॉफी व सिल्व्हर मेडल, तृतीय क्रमांक जि.प. प्राथमिक शाळा आबलोली पागडेवाडी नं. २ चा विद्यार्थी ओम प्रशांत नेटके ठरला. सहभागी सर्व स्पर्धकांना मेडल देऊन सन्मानित करण्यात आले.रेकॉर्ड डान्स स्पर्धेत लहान गटात प्रथम क्रमांक ६००/- रु., ट्रॉफी व मेडल विजेते जिल्हा परिषद शाळा आबलोली पागडेवाडी नं.२ च्या मुलांनी सादर केलेला छत्रपती शिवाजी महाराज जिवंत जन्म देखावा ठरला. द्वितीय क्रमांक ४००/- रु. ट्रॉफी व सिल्व्हर मेडल विजेता कोळी नृत्य मी ढोळकर दर्याचा राजा जि.प.पूर्ण प्राथमिक शाळा आबलोली नं. १ ची विद्यार्थी ठरले. तृतीय क्रमांक २००/- रु. व मेडल्स जिल्हा परिषद आदर्श शाळा खोडदे शाळेचे विद्यार्थी ठरले. मोठा गट प्रथम क्रमांक १०००/- रु. ट्रॉफी, गोल्ड मेडल विजेता माध्यमिक विद्यालय कोळवली शाळेच्या विद्यार्थिनी दिक्षा व सोनाली डिंगणकर माझ्या शिवबाचे नाव रे गीतावर ठरल्या. द्वितीय क्रमांक ७००/- रु. ट्रॉफी व सिल्व्हर मेडल विजेता माध्यमिक विद्यालय आबलोली शाळेतील अक्षरा सावंत हिने हालगी वाजती गाण्यावर पटकावले. तर तृतीय क्रमांक ३००/- रु. ट्रॉफी, कास्य मेडल असावरी पांचाळ आई तुळजाभवानी गीतावर हिने पटकावले. खुला गटात प्रथम क्रमांक १५००/- रु. ट्रॉफी, गोल्ड मेडल विजेता न्यू इंग्लिश स्कूल पाचाड गणेशखिंड विद्यालयाची विद्यार्थिनी पायल कोतवडेकर, आईचा जोगवा या गीतावर विजेता ठरली. तर द्वितीय क्रमांक १०००/- ट्रॉफी, सिल्व्हर मेडल विजेता आबलोली पागडेवाडीतून हितिका पागडे एक दंताय वक्रतुंडाय या गीतावर विजेता ठरली. या स्पर्धांचे पर्यवेक्षण गणपत पांचाळ, वासुदेव पांचाळ, अविनाश उपरीकर, शुभम पांचाळ, संदेश सावंत शिवाजी साळवे यांनी केले. संपूर्ण कार्यक्रमाचे सूत्रसंचालन प्रतिष्ठान संस्थापक अध्यक्ष नितेश पांचाळ यांनी केले. तर प्रथमेश पांचाळ याने सर्वांचे आभार मानले.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
