पसायदान प्रतिष्ठान गुहागर यांचे साहित्य पुरस्कार जाहीर

पसायदान प्रतिष्ठान गुहागर यांचे साहित्य पुरस्कार जाहीर

तीन साहित्यिकांचा राज्यस्तरीय सन्मान; ११ मे रोजी कोल्हापूरमध्ये होणार गौरव

आबलोली (संदेश कदम) –

पसायदान प्रतिष्ठान गुहागर या संस्थेने २०१४ पासून साहित्य क्षेत्रात आपली स्वतंत्र ओळख निर्माण केली आहे. दरवर्षी उत्कृष्ट साहित्यिक कलाकृतींसाठी पुरस्कार देण्याची परंपरा प्रतिष्ठानने जपली आहे. २०२४ मधील कलाकृतींमधून निवड झालेल्या साहित्यिकांना यंदाचे पसायदान प्रतिष्ठान राज्यस्तरीय साहित्य पुरस्कार जाहीर करण्यात आले आहेत.

यंदा संपूर्ण महाराष्ट्रातून आलेल्या असंख्य कादंबऱ्या, कवितासंग्रह आणि ललित लेखनांपैकी तज्ञ परीक्षकांनी तीन उल्लेखनीय कलाकृतींची निवड केली आहे. पुरस्कारप्राप्त साहित्यिक आणि त्यांच्या कलाकृती पुढीलप्रमाणे –

डॉ. नागनाथ कोत्तापल्ले उत्कृष्ट कादंबरी पुरस्कार : “द लॉस्ट बॅलन्स” – रामदास खरे (ठाणे)

पसायदान राज्यस्तरीय काव्य पुरस्कार : “तुझे शहर हजारो मैलावर” – सुनिता डागा (पुणे)

विंदा करंदीकर ललित वाङ्मय पुरस्कार : “कपाळ गोंदण” – निशा डांगे (अमरावती)

या पुरस्कारांचे स्वरूप – रोख रक्कम ₹३०००, सन्मानपत्र, सन्मानचिन्ह, शाल आणि श्रीफळ असे आहे.

पुरस्कार प्रदान सोहळा येत्या ११ मे २०२५ रोजी कोल्हापूर येथील शाहू स्मारक मंदिरात होणार असून, ज्येष्ठ हिंदी साहित्यिक गोपाल (सहर) शर्मा यांच्या हस्ते हा सन्मान प्रदान केला जाईल.

पुरस्कारप्राप्त साहित्यिकांचे विविध साहित्यिक व सामाजिक क्षेत्रातून अभिनंदन होत आहे.

हॅशटॅग्ज:

#पसायदानप्रतिष्ठान #साहित्यपुरस्कार #मराठीसाहित्य #गुहागर #कोल्हापूर #साहित्यसंमेलन #साहित्यगौरव

Author: Team Ratnagiri Vartahar

Official Ratnagiri vartahar Media creators & RV News YouTube Channel.