देवेन भारती ठरले मुंबईचे नवे पोलीस आयुक्त!
विवेक फणसाळकर यांच्या निवृत्तीनंतर मोठा बदल; देवेंद्र फडणवीस यांचे विश्वासू अधिकारी मुंबई पोलिस दलाच्या शिखरावर
मुंबई:
मुंबई शहराच्या पोलिस दलात मोठा बदल करत आयपीएस अधिकारी देवेन भारती यांची मुंबईचे नवे पोलीस आयुक्त म्हणून नियुक्ती करण्यात आली आहे. निवृत्त होत असलेल्या पोलीस आयुक्त विवेक फणसाळकर यांच्या जागी भारती यांची नेमणूक झाल्याने, पोलिस खात्यात नव्या युगाची सुरुवात झाली आहे.
१९९४ बॅचचे वरिष्ठ अधिकारी असलेले देवेन भारती हे यापूर्वी विशेष पोलीस आयुक्त, संयुक्त आयुक्त (कायदा व सुव्यवस्था) आणि ATS प्रमुख म्हणून जबाबदाऱ्या पार पाडत आले आहेत. २६/११ च्या दहशतवादी हल्ल्याच्या तपासात त्यांनी महत्त्वाची भूमिका बजावली होती.
उपमुख्यमंत्री देवेंद्र फडणवीस यांचे विश्वासू अधिकारी म्हणून त्यांची ओळख असून, त्यांच्या नेतृत्वामुळे मुंबईतील कायदा व सुव्यवस्थेच्या यंत्रणेला अधिक बळकटी मिळेल, अशी अपेक्षा व्यक्त केली जात आहे.
—
#देवेनभारती #मुंबईपोलीस #पोलीसआयुक्त #BreakingNews #MumbaiPolice #DevendraFadnavis #MaharashtraNews #RatnagiriVartahar
Author: Team Ratnagiri Vartahar
Official Ratnagiri vartahar Media creators & RV News YouTube Channel.
