???? ‘FCRA’ प्रमाणपत्र मिळवणारा मुख्यमंत्री सहाय्यता निधी कक्ष — देशातील पहिलाच कक्ष!
वैद्यकीय मदतीच्या कार्यात पारदर्शकता, गतिशीलता आणि आता आंतरराष्ट्रीय योगदानाची जोड
???? मुख्यमंत्री देवेंद्र फडणवीस यांच्या प्रमुख उपस्थितीत नाशिकमध्ये जिल्हास्तरीय प्रशिक्षण कार्यशाळा संपन्न
नाशिक | मुख्यमंत्री सहाय्यता निधी तथा धर्मादाय रुग्णालय मदत कक्ष अंतर्गत नाशिक येथे आयोजित जिल्हास्तरीय प्रशिक्षण कार्यशाळा उत्साहात पार पडली. मुख्यमंत्री देवेंद्र फडणवीस यांच्या उपस्थितीत झालेल्या या कार्यशाळेत वैद्यकीय मदतीसाठी कक्षाची भूमिका, सुधारणा व भविष्यातील दिशा यावर सविस्तर चर्चा झाली.
मुख्यमंत्री फडणवीस म्हणाले, “मुख्यमंत्री सहाय्यता निधी कक्ष २०१४ पासून वैद्यकीय मदतीसाठी प्रभावीरीत्या वापरला जात आहे. अनेक वेळा सरकारी योजनांच्या मर्यादांमुळे गरजू नागरिकांना थेट मदतीची गरज भासते. यासाठी ही यंत्रणा अत्यंत आवश्यक ठरते.”
ते पुढे म्हणाले की, “२०२२ पासून धर्मादाय रुग्णालयांनाही या यंत्रणेत समाविष्ट करण्यात आले आहे, ज्यामुळे मदतीचा वेग व व्यापकता वाढली आहे. आता संपूर्ण प्रणाली एकसंध सिंगल प्लॅटफॉर्मवर आणली जात असून पारदर्शकता व कार्यक्षमता हे मुख्य उद्दिष्ट आहे.”
या कक्षाच्या कार्यक्षमतेस एक नवे परिमाण देत, ‘FCRA’ (Foreign Contribution Regulation Act, 2010) प्रमाणपत्र मिळवणारा मुख्यमंत्री सहाय्यता निधी कक्ष हा देशातील पहिलाच ठरला आहे. यामुळे आता परदेशातून मिळणाऱ्या निधीचा वापरही गरजू रुग्णांसाठी करता येणार आहे.
कार्यशाळेत बोलताना मुख्यमंत्री म्हणाले, “ही यंत्रणा केवळ व्यवस्थाच नाही, तर समाजातील विश्वास आणि उत्तरदायित्व यांचे प्रतिक आहे. निधीचा गैरवापर रोखण्यासाठी कठोर कारवाई केली जाणार आहे.”
खासगी रुग्णालयांतील महागड्या शस्त्रक्रिया, ट्रस्ट्सचा सहभाग, आणि जिल्हास्तरीय गतिशीलता हे या कक्षाचे नवे वैशिष्ट्य ठरत आहे. कार्यक्रमाच्या समारोपप्रसंगी मुख्यमंत्री यांनी उपस्थित कर्मचाऱ्यांना उद्देशून सांगितले, “ही कार्यशाळा म्हणजे उद्दिष्ट स्पष्ट करणारी प्रेरणा आहे. गरजू रुग्णाला योग्य वेळी मदत मिळवून देणे ही आपली जबाबदारी आहे.”
या प्रसंगी मंत्री गिरीष महाजन, आमदार सीमा हिरे, आमदार राहुल ढिकले व अन्य मान्यवरांची उपस्थिती होती.
—
#मुख्यमंत्रीसहाय्यतानिधी #FCRAप्रमाणपत्र #DevendraFadnavis #वैद्यकीयमदत #नाशिककार्यशाळा #TransparentGovernance #SocialResponsibility #CMReliefFund #RatnagiriVartahar
???? फोटो
—
बातमी : रत्नागिरी वार्ताहर
www.ratnagirivartahar.in
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
