श्री देव वेताळ मंदिर विश्वस्त मंडळ, जैतापूर कडून न्यू इंग्लिश स्कूलला शैक्षणिक देणगी
✍️राजू सागवेकर /राजापूर
श्री देव वेताळ मंदिर विश्वस्त मंडळ, जैतापूर यांच्या वतीने न्यू इंग्लिश स्कूल व श्रीमती स्नेहलता रामचंद्र मांजरेकर कनिष्ठ महाविद्यालय, जैतापूर यांना शैक्षणिक विकासासाठी देणगी प्रदान करण्यात आली.
मंडळाचे अध्यक्ष श्री तन्मय प्रकाश मांजरेकर व कार्यवाह श्री बाळ मेळेकर यांच्या हस्ते संबंधित शैक्षणिक संस्थेच्या प्राचार्या सौ. राजश्री राजगौडा नारे यांच्याकडे देणगीचा चेक सुपूर्त करण्यात आला.
या उपक्रमामुळे शाळेच्या विविध शैक्षणिक गरजा पूर्ण होण्यास मदत होणार असून, संस्थेच्या वतीने सौ. नारे मॅडम यांनी या उदात्त कार्याबद्दल श्री देव वेताळ मंदिर विश्वस्त मंडळाचे मनःपूर्वक आभार मानले.
या सामाजिक उपक्रमामुळे ग्रामस्थांमध्ये समाधानाची भावना व्यक्त होत असून, मंदिर मंडळाच्या या योगदानाचे सर्वत्र कौतुक होत आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
