उत्कृष्ट सार्वजनिक गणेशोत्सव मंडळ स्पर्धेत सहभागी होण्याचे आवाहन
पालकमंत्री डॉ. उदय सामंत यांचे आवाहन : जिल्ह्यातील मंडळांनी घ्यावा सक्रिय सहभाग
रत्नागिरी :
गणेशोत्सव हा राज्य महोत्सव म्हणून साजरा करण्याचे निर्देश पर्यटन व सांस्कृतिक कार्य विभागाने दिले आहेत. या पार्श्वभूमीवर उत्कृष्ट सार्वजनिक गणेशोत्सव मंडळ स्पर्धा राज्यस्तरावर आयोजित करण्यात आली असून, जिल्ह्यातील जास्तीत जास्त गणेशोत्सव मंडळांनी या स्पर्धेत सहभागी व्हावे, असे आवाहन राज्याचे उद्योगमंत्री तथा पालकमंत्री डॉ. उदय सामंत आणि जिल्हाधिकारी एम. देवेंदर सिंह यांनी केले आहे.
🗓️ अर्ज स्वीकारण्याची अंतिम तारीख २५ ऑगस्ट २०२५ असून, ही स्पर्धा पूर्णपणे विनामूल्य आहे.
स्पर्धेचे अर्ज pldeshpandekalaacademy.org या संकेतस्थळावरील ganeshotsav.pldmka.co.in या पोर्टलवर ऑनलाइन उपलब्ध आहेत.
📌 कोण सहभागी होऊ शकतात?
- धर्मादाय आयुक्त यांच्याकडे नोंदणी असलेली मंडळे
- स्थानिक पोलीस/स्थानिक स्वराज्य संस्थेकडून परवानगी घेतलेली मंडळे
अधिक माहितीसाठी जिल्हा नियोजन समिती, जिल्हाधिकारी कार्यालय, रत्नागिरी (दूरध्वनी क्रमांक : 02352-222962) येथे संपर्क साधता येईल.
🎯 स्पर्धेतील परीक्षण निकष
- सांस्कृतिक उपक्रम, गडकिल्ले संवर्धन, स्मारकांचे जतन
- आरोग्य, शिक्षण, कला, क्रीडा, महिला सक्षमीकरण
- जेष्ठ नागरिक, दिव्यांग व वंचित घटकांसाठी उपक्रम
- आधुनिक विज्ञान-तंत्रज्ञान प्रचार, नवसंशोधन
- पर्यावरणपूरक मूर्ती, सजावट व प्रदूषणमुक्त वातावरण
🏆 पारितोषिके
- तालुकास्तरावर : प्रथम क्रमांक ₹25,000
- जिल्हास्तरावर : प्रथम ₹50,000, द्वितीय ₹40,000, तृतीय ₹30,000
- राज्यस्तरावर : प्रथम ₹7,50,000, द्वितीय ₹5,00,000, तृतीय ₹2,50,000
स्पर्धेत सहभागी होणाऱ्या मंडळांच्या उपक्रमांचा कालावधी मागील वर्षीच्या अनंत चतुर्दशीपासून ते चालू वर्षीच्या अनंत चतुर्दशीपर्यंत विचारात घेतला जाणार आहे. मात्र, सलग दोन वर्षे राज्यस्तरीय/जिल्हास्तरीय पारितोषिक पटकावलेली मंडळे यंदा पारितोषिकासाठी पात्र राहणार नाहीत, ही विशेष बाब आहे.
📸 फोटो
🔖 हॅशटॅग्स
#गणेशोत्सव #रत्नागिरी #डॉउदयसामंत #गणेशोत्सवस्पर्धा #RatnagiriNews #GaneshUtsav2025
Author: Team Ratnagiri Vartahar
Official Ratnagiri vartahar Media creators & RV News YouTube Channel.
