रत्नागिरी जिल्हा कब–बुलबुल मेळाव्याला उत्स्फूर्त प्रतिसाद
चिपळूण मधील रिगल एज्युकेशन सोसायटीचे विशेष सहकार्य 
चिपळूण —प्रतिनिधी
रत्नागिरी भारत स्काऊट आणि गाईड जिल्हा कार्यालय यांच्या वतीने तसेच शिक्षण विभाग (प्राथमिक), जिल्हा परिषद रत्नागिरी यांच्या सहकार्याने कब–बुलबुल जिल्हा मेळावा नुकताच रिगल एज्युकेशन सोसायटीच्या रिगल हॉल, कोंढे-चिपळूण येथे मोठ्या उत्साहात पार पडला.
रत्नागिरी जिल्हा परिषदेच्या नूतन शिक्षणाधिकारी नीलिमा नाईक शिक्षणाधिकारी किरण लोहार माध्यमिक शिक्षणाधिकारी दीपक मेंगाने उपशिक्षणाधिकारी सुनीता शिरभाते चंद्रकांत सूर्यवंशी संदेश कडव यांच्या मार्गदर्शनाखाली सदर मेळाव्याचे आयोजन करण्यात आले होते जिल्हा कब बुलबुल मेळाव्याच्या उद्घाटन व बक्षिस वितरण सोहळ्या प्रसंगी नुतन जिल्हा परिषद सदस्या मयुरी शिर्के चिपळूण पंचायत समिती सदस्या सायली वाजे चिपळूण पंचायत समितीचे गटशिक्षणाधिकारी
डी.डी इरनक शिक्षण विस्तार अधिकारी श्रीधर शिगवण रिगल एज्युकेशन सोसायटी अध्यक्ष संजयराव शिर्के रिगल पब्लिक स्कूलच्या प्राचार्या सुमित्रा शिर्के
केंद्रप्रमुख भगवान खेतले मनिषा गर्जे संतोष होमकर शिक्षक संघटना प्रतिनिधी प्रकाश गांधी मुख्याध्यापक संघाचे संजय सोनवणे जिल्हा संघटक रमाकांत डिंगणे यांची प्रमुख उपस्थिती होती
जिल्ह्यातील विविध प्राथमिक शाळांमधील कब (मुले) व बुलबुल (मुली) विद्यार्थी मोठ्या संख्येने या मेळाव्यात सहभागी झाले होते प्रत्येक शाळेतून ६ कब व ६ बुलबुल तसेच कब मास्टर/फ्लॉक लीडर यांची उपस्थिती होती
या दोन दिवसीय मेळाव्यात विद्यार्थ्यांची निरीक्षणशक्ती, विचारशक्ती आणि आत्मविश्वास वृद्धिंगत करण्यासाठी बौद्धिक स्पर्धा, शिस्त, तंदुरुस्ती आणि संघभावना जोपासण्यासाठी शारीरिक प्रात्यक्षिक स्पर्धा, विद्यार्थ्यांना ठराविक वेळेत सर्जनशील वस्तू तयार करण्याची संधी मिळण्यासाठी हस्तकौशल्य स्पर्धा आणि देशभक्तीपर नृत्य, लोकनृत्य आदी सादरीकरणांमधून विद्यार्थ्यांच्या सुक्त कलागुणांना व्यासपीठ मिळण्यासाठी रात्री सांस्कृतिक कार्यक्रमांच्या स्पर्धेचे आयोजन करण्यात आले होते.
मेळाव्यात सहभागी सर्व विद्यार्थ्यांना प्रमाणपत्र देण्यात आले असून उत्कृष्ट कामगिरी करणाऱ्या व विशेष लक्षवेधी सहभाग नोंदवणा-या सर्व पथकांना मान्यवरांच्या शुभहस्ते पारितोषिके देऊन गौरविण्यात आले आहे. शिस्तबद्ध गणवेश, स्वावलंबन, सहकार्यभाव आणि नेतृत्वगुण विकसित करण्याच्या दृष्टीने शालेय विद्यार्थ्यांच्या जीवनात या निवासी मेळाव्याचे अनन्यसाधारण महत्त्व असल्याचे जिल्हा संघटक रमाकांत डिंगणे यांनी यावेळी बोलताना सांगितले
या उपक्रमामुळे जिल्ह्यातील लहानग्या कब -बुलबुल- स्काऊट-गाईड विद्यार्थ्यांमध्ये उत्साहाचे वातावरण असल्याचे दिसून आले तर शिक्षणासोबतच संस्कार आणि व्यक्तिमत्त्व विकासाचा अनोखा संगम या मेळाव्यात अनुभवायला मिळाला असल्याची भावना यावेळी सहभागी कब बुलबुल पथकांनी व्यक्त केली कार्यक्रमाचे सूत्रसंचालन स्काऊट गाईड पदाधिकारी शमा मुजावर सुधीर शिंदे यांनी केले
मेळाव्याच्या यशस्वीतेसाठी नियोजन समिती स्काऊट गाईड संस्थेचे पदाधिकारी चेतना होमकर संतोष होमकर दत्ताराम निर्मळ, डॉ मंगेश हटकर, प्रकाश भुवड, चंद्रकांत साबळे, अर्चना पालकर, चेतना भुमकर, शमा मुजावर अंबादास कवितके बाबासाहेब राशिनकर कार्यालयीन कर्मचारी सोमनाथ गायकवाड विनोद बारोटे नितीन पाडावे आदींनी विशेष मेहनत घेतली
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
