*विद्यार्थ्यांच्या चेहऱ्यावर फुलले हास्य; वाटद मिरवणे परिवर्तन युवा संघटनेचा स्तुत्य उपक्रम*
*रत्नागिरी प्रतिनिधी : निलेश रहाटे*
८० व्या स्वातंत्र्य दिनाचे औचित्य साधून वाटद मिरवणे परिवर्तन युवा संघटनेतर्फे पूर्ण प्राथमिक आदर्श केंद्र शाळा, वाटद मिरवणे येथे विद्यार्थ्यांना शालेय साहित्याचे वाटप करण्यात आले.
या उपक्रमाला संघटनेचे पदाधिकारी व कार्यकर्ते, शाळा व्यवस्थापन समितीचे पदाधिकारी, केंद्रप्रमुख, मुख्याध्यापक, शिक्षकवृंद, विद्यार्थी तसेच पालक मोठ्या संख्येने उपस्थित होते. सर्वांच्या उत्स्फूर्त सहभागामुळे कार्यक्रम आनंदी, उत्साही आणि शिस्तबद्ध वातावरणात पार पडला.
विद्यार्थ्यांना शालेय साहित्याचे वाटप करून त्यांच्या शिक्षणाला प्रोत्साहन देण्याचा प्रयत्न या माध्यमातून करण्यात आला. साहित्याची किंमत मोठी नसली तरी ते स्वीकारताना विद्यार्थ्यांच्या चेहऱ्यावर उमटलेले हास्य आणि त्यांच्या डोळ्यांतील आनंद उपस्थितांसाठी विशेष ठरला.
“आजची मुले हीच उद्याच्या गावाची, समाजाची आणि देशाची खरी ताकद आहे. त्यांच्या शिक्षणाला हातभार लावणे म्हणजे भविष्यातील सक्षम पिढी घडविण्यासाठी योगदान देणे,” अशी भावना यावेळी संघटनेच्या पदाधिकाऱ्यांनी व्यक्त केली.
शिक्षकांचे मार्गदर्शन, पालकांची साथ आणि सामाजिक संस्थांची बांधिलकी यांच्या माध्यमातून वाटद मिरवणे च्या विद्यार्थ्यांच्या शैक्षणिक प्रगतीसाठी भविष्यातही विविध उपक्रम राबविण्याचा संकल्प संघटनेतर्फे व्यक्त करण्यात आला.
“उपक्रम छोटा… आनंद मोठा… आणि संकल्प त्याहूनही मोठा!” या भावनेतून झालेल्या या उपक्रमाचे उपस्थितांकडून कौतुक करण्यात आले.
वाटद मिरवणे परिवर्तन युवा संघटना
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
