🚩प्रशांत यादव यांचा भाजपात प्रवेश; चिपळूण-संगमेश्वरमध्ये भाजपाची ताकद वाढली!
रवींद्र चव्हाण यांच्या उपस्थितीत मुंबईत पार पडला पक्षप्रवेश सोहळा
📍नरिमन पॉईंट, मुंबई | १९ ऑगस्ट २०२५
चिपळूण-संगमेश्वर विधानसभा मतदारसंघाचे राष्ट्रवादी काँग्रेस (शरद पवार गट) चे माजी अधिकृत उमेदवार श्री. प्रशांत यादव यांनी आज मोठा राजकीय निर्णय घेत भारतीय जनता पक्षात जाहीर प्रवेश केला. त्यांच्या सोबत चिपळूण-संगमेश्वर मतदारसंघातील अनेक पदाधिकारी व कार्यकर्त्यांनीही भाजपाचा झेंडा हाती घेतला.
मुंबईतील भाजप प्रदेश कार्यालयात आयोजित या पक्षप्रवेश सोहळ्यास भाजप प्रदेशाध्यक्ष श्री. रवींद्रजी चव्हाण उपस्थित होते. त्यांनी श्री. प्रशांत यादव यांचे तसेच सर्व कार्यकर्त्यांचे भाजपात मन:पूर्वक स्वागत केले. यावेळी रत्नागिरी जिल्हा संपर्क मंत्री म्हणूनही त्यांनी मार्गदर्शन केले.
श्री. प्रशांत यादव यांनी मागील विधानसभा निवडणुकीत राष्ट्रवादी काँग्रेसकडून उमेदवारी करत तब्बल ९० हजार मते मिळवली होती. केवळ ६,८०० मतांनी ते पराभूत झाले होते. परंतु आता त्यांनी पंतप्रधान नरेंद्र मोदी, मुख्यमंत्री देवेंद्र फडणवीस, केंद्रीय मंत्री नारायण राणे आणि प्रदेशाध्यक्ष रवींद्र चव्हाण यांच्या नेतृत्वावर विश्वास ठेवून भाजपमध्ये प्रवेश केला आहे.
त्यांच्या या प्रवेशामुळे रत्नागिरी जिल्ह्यात भाजपाची संघटनात्मक ताकद अधिक मजबूत होईल असा विश्वास व्यक्त करण्यात आला आहे.
या कार्यक्रमास प्रदेश महामंत्री आमदार विक्रांत पाटील, माजी आमदार विनय नातू, माध्यम प्रमुख नवनाथ बन, जिल्हाध्यक्ष राजेश सावंत यांसह अनेक मान्यवर व असंख्य भाजप पदाधिकारी-कार्यकर्त्यांची उपस्थिती होती.
—
🔖हॅशटॅग्स :
#BJP #PrashantYadav #Ratnagiri #Chiplun #Sangameshwar #DevendraFadnavis #RavindraChavan #NarayanaRane #MaharashtraPolitics
—
📸 फोटो
Author: RV. Reporters
Guhagar Office .. * Ratnagiri vartahar Digital News * ..
