????️ काळबादेवीतील भू-संपादनाचा प्रश्न मार्गी? पालकमंत्री उदय सामंत यांच्या उपस्थित चर्चा पार
पालकमंत्री उदय सामंत यांच्या उपस्थितीत ग्रामस्थांचा सकारात्मक सूर; सीमांकन आज दाखवले जाणार
रत्नागिरी प्रतिनिधी | रत्नागिरी वार्ताहर
रत्नागिरी तालुक्यातील काळबादेवी येथे रेवस-रेड्डी सागरी महामार्गासाठी भूसंपादनाचा वाद अखेर निकाली निघण्याच्या मार्गावर आहे. रविवारी झालेल्या बैठकीत पालकमंत्री उदय सामंत यांच्या उपस्थितीत ग्रामस्थांनी सकारात्मक भूमिका घेतली असून, आज शनिवारी (७ जून) एमएसआरडीचे अधिकारी प्रत्यक्ष ग्रामस्थांना सीमांकन दाखवणार आहेत.
रेवस-रेड्डी सागरी महामार्गासाठी रत्नागिरी तालुक्यात तीन महत्वाचे ब्रिज प्रस्तावित आहेत – तवसाळ, जयगड आणि काळबादेवी येथे. यातील काळबादेवीतील पुलाचे काम सर्वप्रथम सुरू होणार असून त्यानंतर महामार्गाचे मुख्य काम सुरू होईल. हा ब्रिज नवानगर-पाथरदेव मार्गाशी जोडला जाणार आहे.
???? ग्रामस्थांच्या प्रश्नांना पालकमंत्र्यांचे समाधानकारक उत्तर
रविवारी झालेल्या बैठकीत ग्रामस्थांनी महामार्ग व भूसंपादनासंदर्भात अनेक शंका उपस्थित केल्या. पालकमंत्री उदय सामंत यांनी त्यांना तात्काळ उत्तरे देत स्पष्ट केले की, जमिनीला न्याय्य दर मिळवून देण्यासाठी प्रशासन प्रयत्नशील राहील. “समृद्धी महामार्गासारखे दर मिळणार नाहीत, कारण ती वेगळी योजना आहे,” असेही त्यांनी स्पष्ट केले.
त्याचबरोबर रामेश्वर मंदिरासाठी १० कोटींची मागणी मुख्यमंत्री एकनाथ शिंदे यांच्याकडे करण्यात आली असल्याचे त्यांनी यावेळी जाहीर केले.
????️ प्रत्यक्ष सीमांकन आज
आज शनिवारी एमएसआरडीचे अधिकारी ग्रामस्थांना प्रत्यक्ष ब्रिजच्या सीमांकनाची माहिती देणार आहेत. त्यामुळे ब्रिज नेमका गावातून कसा जाणार आहे, याचे चित्र ग्रामस्थांसमोर स्पष्ट होणार आहे. प्रांताधिकारी जीवन देसाई यांच्यामार्फत जमिनीचे मोजमाप व संबंधित मालकांची माहितीही देण्यात येणार आहे.
????️ ग्रामस्थांची सकारात्मक भूमिका
या बैठकीस आमदार किरण सामंत, भाजपचे दक्षिण तालुका अध्यक्ष विवेक सुर्वे यांचीही उपस्थिती होती. बैठकीनंतर ग्रामस्थांनी रस्त्याविषयी सकारात्मक भूमिका घेत, “पर्यटन व रोजगाराच्या दृष्टीने काळबादेवीचा कायापालट होईल,” असा विश्वास व्यक्त केला.
—
???? #काळबादेवी #रेवसरेड्डीमार्ग #उदयसामंत #रत्नागिरी #भूसंपादन #MSRDC #पर्यटनविकास #रोजगार #नवानगरपाथरदेव #जयगड #तवसाळ #RatnagiriVartahar
—
???? फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
