स्वर्गीय बाळासाहेब ठाकरे यांची जि. प. तवसाळ गटातर्फे आबलोलीत शिवसेना उबाठा पक्षाकडून पुण्यतिथी साजरी
आबलोली (संदेश कदम)
गुहागर तालुक्यातील आबलोली येथील शिवसेनेचे शाखा प्रमुख संदिप निमूणकर यांच्या आबलोली येथील निवासस्थानी शिवसेना पक्षप्रमुख उद्धव बाळासाहेब ठाकरे या पक्षाच्या वतीने जिल्हा परिषद पडवे गटातर्फे स्वर्गीय हिंदू हृदय सम्राट शिवसेना प्रमुख वंदनीय बाळासाहेब ठाकरे यांची पुण्यतिथी उत्साहात साजरी करण्यात आली. यावेळी मान्यवरांच्या उपस्थितीत स्वर्गीय हिंदू हृदय सम्राट ठाकरे यांच्या प्रतिमेचे पुजन, दीपप्रज्वलीत करुन प्रतिमेला पुष्पहार अर्पण करण्यात आले. त्यानंतर दोन मिनीटे स्तब्ध ऊभे राहून श्रध्दांजली अर्पण करण्यात आली. यावेळी शिवसेना उध्दव बाळासाहेब ठाकरे पक्षाचे तालुका सचिव विलास गुरव, उपतालुका प्रमुख काशिनाथ मोहिते, विभाग प्रमुख रविंद्र आंबेकर, उपविभाग प्रमुख शरद साळवी, महिला आघाडीच्या प्रमुख श्रीमती. वनिता डिंगणकर, माजी सभापती सौ. पूर्वीताई निमूणकर, माजी विभाग प्रमुख नरेश निमूणकर, जेष्ठ शिवसैनिक कृष्णा उकार्डे, युवा कार्यकर्ते प्रथमेश निमूणकर, संतोष गुरव, रजत बाईत, श्री.मोरे आदी. पदाधिकारी, कार्यकर्ते उपस्थित होते.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
